വയനാട്ടിൽ വീണ്ടും വ്യാജ വാറ്റ് കേന്ദ്രം

150 ലിറ്റർ വാഷും 10 ലിറ്റർ ചാരായവും കേന്ദ്രത്തിൽനിന്ന് എക്സൈസ് ഉദ്യോഗസ്ഥര്‍ കണ്ടെത്തി

വയനാട് :വയനാട്ടിൽ വീണ്ടും വ്യാജ വാറ്റു കേന്ദ്രം കണ്ടെത്തി .150 ലിറ്റർ വാഷും 10 ലിറ്റർ ചാരായവും കേന്ദ്രത്തിൽനിന്ന് എക്സൈസ് പിടിച്ചെടുത്തു . സുൽത്താൻബത്തേരിക്ക് സമീപം കാരശ്ശേരി ഭാഗത്ത് വീടിനോടു ചേർന്നുള്ള ഷെഡ്ഡിലാണ് വാറ്റ് കേന്ദ്രം പ്രവർത്തിച്ചിരുന്നത്.

സംഭവത്തിൽ കാരശ്ശേരി ആവേത്തുംകുടി പ്രഭാകരനെ എക്സൈസ് അറസ്റ്റ് ചെയ്‌തു. ഓർഡർ അനുസരിച്ച് ചാരായം മൊത്തമായി നിർമിച്ചുവില്‍ക്കുന്ന രീതിയാണ് ഇയാള്‍ പിന്തുടര്‍ന്നിരുന്നത്. വയനാട് എക്സൈസിന് കിട്ടിയ രഹസ്യ വിവരത്തിന്‍റെ അടിസ്ഥാനത്തിലായിരുന്നു പരിശോധന.