തൃശ്ശൂര്: കേരളവര്മ കോളജില് എ.ബി.വി.പി പ്രവര്ത്തകരെ എസ്.എഫ്.ഐ പ്രവര്ത്തകര് സംഘം ചേർന്ന് മര്ദിച്ചു. രണ്ടുപേരെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. കോളേജിൽ പൗരത്വ ബില്ലിനെ അനുകൂലിച്ച് സെമിനാര് സംഘടിപ്പിച്ച എ.ബി.വി.പി പ്രവര്ത്തകരെയാണ് എസ്.എഫ്.ഐ പ്രവര്ത്തകര് സംഘം ചേർന്ന് മര്ദിച്ചത്.
അധ്യാപകർ ഇടപെട്ട് വിദ്യാർഥികളെ പിടിച്ചു മാറ്റിയതു മൂലം വൻ സംഘർഷം ഒഴിവായി. കഴിഞ്ഞ ദിവസം കോളജ് ക്യാമ്പസിനുള്ളിൽ പൗരത്വ ബില്ലിനെകുറിച്ചു വിശദീകരിക്കാൻ എ.ബി.വി.പി സംഘടിപ്പിച്ച പരിപാടി എസ്എഫ്ഐ പ്രവർത്തകരുടെ എതിർപ്പു മൂലം കോളേജിന് പുറത്തു വച്ചാണ് നടത്തിയിരുന്നത്.