തൃശൂര്‍ : പൊലീസ് അക്കാദമിയിലെ ജീവനക്കാരനായ പോക്സോ കേസ് പ്രതിക്ക് 10 വര്‍ഷം കഠിന തടവും ഒരു ലക്ഷം രൂപ പിഴയും ശിക്ഷ വിധിച്ച് കോടതി. കുന്നംകുളം കാട്ടകാമ്പാൽ സ്വദേശി ഷാജു(48)വിനെയാണ് തൃശൂർ അതിവേഗ പോക്സോ സ്പെഷ്യൽ കോടതി ശിക്ഷിച്ചത്. പിഴത്തുക അതിജീവിതയ്ക്ക് നൽകണം.
പിഴ അടച്ചില്ലെങ്കിൽ ശിക്ഷ കാലാവധി ഒരു വർഷം കൂടി അനുഭവിക്കണം. 2019ലാണ് കേസിന് ആസ്‌പദമായ സംഭവം. വിയ്യൂർ പൊലീസ് രജിസ്റ്റർ ചെയ്‌ത കേസ് ഇൻസ്പെക്‌ടർമാരായ പി വി സിന്ധു, ശ്രീജിത്ത് എന്നിവരാണ് അന്വേഷിച്ച് കുറ്റപത്രം സമർപ്പിച്ചത്.
കേസിൽ 14 സാക്ഷികളെ വിസ്‌തരിക്കുകയും 13 രേഖകൾ ഹാജരാക്കുകയും ചെയ്‌തു. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ കെ പി അജയ്‌കുമാർ ഹാജരായി.
