തൃശൂര്‍: ഇരിങ്ങാലക്കുടയില്‍ ഓണത്തിന് അനധികൃത വില്‍പ്പന നടത്താന്‍ സൂക്ഷിച്ചിരുന്ന വിദേശമദ്യം പിടികൂടി. 14 ലിറ്റര്‍ വിദേശമദ്യവുമായി വള്ളിവട്ടം സ്വദേശി കളത്തിപറമ്പില്‍ ദിലീപ് കുമാറിനെ ഇരിങ്ങാലക്കുട സിഐ പി.ആര്‍. ബിജോയിയും സംഘവും പിടികൂടി.
ഓണത്തിന് അനധികൃത വില്‍പ്പന നടത്താന്‍ സൂക്ഷിച്ചിരുന്ന വിദേശമദ്യം പിടികൂടി
ഇരിങ്ങാലക്കുട ബിവറേജില്‍ നിന്നും മദ്യം വാങ്ങി വരുന്ന വഴി ഇയാളെ പിടികൂടുകയായിരുന്നു. ഒരു വര്‍ഷത്തോളമായി ഇയാള്‍ വീടിന് സമീപം മദ്യകച്ചവടം നടത്തുന്നതായി പൊലീസ് പറഞ്ഞു. ഡിവൈഎസ്‌പിക്ക് രഹസ്യസന്ദേശം ലഭിച്ചതിന്‍റെ അടിസ്ഥാനത്തില്‍ പൊലീസ് ഇയാളെ നിരീക്ഷിച്ച് വരികയായിരുന്നു.
