തിരുവനന്തപുരം: പത്മനാഭസ്വാമി ക്ഷേത്രത്തിൽ നടക്കുന്ന മുറജപത്തിൽ സൂക്തങ്ങൾ ആലപിക്കുന്നതിന് വിവിഐപിയും. പ്രതിരോധ വകുപ്പിന് കീഴിലെ ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് ഡയറക്ടറും മലയാളിയുമായ ആർ. നീലകണ്ഠ അയ്യരാണ് സൂക്തങ്ങൾ ആലപിക്കുന്ന അറുപതംഗ സംഘത്തിൽ ഇടംപിടിച്ചിരിക്കുന്നത്.
സൂക്തങ്ങള്‍ ആലപിക്കുന്ന അറുപതംഗ സംഘത്തില്‍ ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് ഡയറക്ടറും മലയാളിയുമായ ആർ. നീലകണ്ഠ അയ്യരും
തികച്ചും സാധാരണക്കാരനായി എത്തിയിരിക്കുന്ന അദ്ദേഹം ഈ അവസരം ഒരു ഭാഗ്യമായാണ് കരുതുന്നതെന്ന് ഇടിവി ഭാരതിനോട് പറഞ്ഞു. പത്മനാഭസ്വാമി ക്ഷേത്രം വടക്കേ കൊട്ടാരത്തിൽ വേദമന്ത്രങ്ങൾ ആലപിക്കുന്ന വൈദികർക്കൊപ്പമാണ് ഇദ്ദേഹത്തിന്റെയും താമസം.
