തിരുവനന്തപുരം: പി.ആര്‍.ഡിയിലെ ഓഡിയോ വീഡിയോ ഓഫിസര്‍ ജി.വിനോദ് കുമാര്‍ കൈകൂലി വാങ്ങുന്നതിനിടെ വിജിലൻസ് പിടിയില്‍. സര്‍ക്കാര്‍ തുക പാസാക്കി കൊടുക്കുന്നതിന് സ്വകാര്യ സ്ഥാപനമായ മ-മെഗാ മീഡിയയില്‍ നിന്നും 25000 രൂപ അനധികൃത പ്രതിഫലം പറ്റുന്നതിനിടയിലാണ് ഇയാള്‍ വലയിലായത്.
തിരുവനന്തപുരം മെഡിക്കല്‍ കോളജിനു സമീപത്ത് കാറില്‍ വച്ച് കൈക്കൂലി വാങ്ങുന്നതിനിടെയാണ് വിജിലന്‍സ് സംഘം ഇയാളെ അറസ്റ്റ് ചെയ്തത്. സംസ്ഥാന സര്‍ക്കാരിന്‍റെ കീഴിലെ ഓണ്‍ലൈന്‍ വീഡിയോ പ്രോഗ്രാമുകള്‍ കൈകാര്യം ചെയ്യുന്ന ഉദ്യോഗസ്ഥനാണ് വിനോദ് കുമാര്‍.
ഓഡിയോ വീഡിയോ പ്രോഗ്രാമുകള്‍ നിര്‍മിച്ചു നല്‍കുന്ന മ-മെഗാ മീഡിയ എന്ന സ്ഥാപനത്തിന് നല്‍കാനുണ്ടായിരുന്ന 21 ലക്ഷം രൂപ നല്‍കാന്‍ 15 ശതമാനം കൈക്കൂലി ആവശ്യപ്പെട്ടതോടെ സ്ഥാപന ഉടമ വിജിലന്‍സിനെ കാര്യം ധരിപ്പിച്ചു. ഇതോടെ വിജിലന്‍സ് സംഘം കെണിയൊരുക്കി വിനോദ് കുമാറിനെ കുടുക്കുകയായിരുന്നു.
Also Read: മുല്ലപ്പെരിയാർ ഡാം നാളെ തുറക്കും; ജലനിരപ്പ് 138 അടി പിന്നിട്ടു
