തിരുവനന്തപുരം: കൊവിഡ് നാലാം തരംഗമുണ്ടാകാനുള്ള സാധ്യതയുണ്ടെന്ന് ആരോഗ്യമന്ത്രി വീണ ജോർജ്. ഇനിയും തരംഗങ്ങൾ ഉണ്ടാകുമെന്ന മുന്നറിയിപ്പാണ് ലഭിച്ചിരിക്കുന്നത്. കേരളം അത് നേരിടാനുള്ള തയാറെടുപ്പുകൾ നടത്തിയിട്ടുണ്ടെന്നും ആരോഗ്യമന്ത്രി അറിയിച്ചു.
കൊവിഡ് നാലാം തരംഗത്തിന് സാധ്യത; മുന്നറിയിപ്പുമായി ആരോഗ്യമന്ത്രി
കൊവിഡ് ചികിത്സയിൽ വളരെ മുന്നിലേക്ക് എത്താൻ കേരളത്തിന് കഴിഞ്ഞിട്ടുണ്ട്. അതിനാൽ ആശങ്കയില്ല. കൊവിഡിനൊപ്പം ജീവിക്കുക എന്നതാണ് ഈ കാലഘട്ടത്തിൻ്റെ ആവശ്യമെന്നും മന്ത്രി പറഞ്ഞു.
കൂടുതൽ തരംഗ സാധ്യത മുന്നിൽ കണ്ടാണ് മാസ്‌ക് മാറ്റുന്നതിനെ കുറിച്ച് ചർച്ചകൾ ഉയർന്നപ്പോഴും കേരളം വേണ്ട എന്ന തീരുമാനമെടുത്തതെന്നും ആരോഗ്യമന്ത്രി വ്യക്തമാക്കി.
ALSO READ: കൊവിഡ് കണക്കുകൾ കേന്ദ്രത്തിന് നൽകുന്നില്ലെന്ന പ്രചരണം തെറ്റെന്ന് ആരോഗ്യമന്ത്രി
