തിരുവനന്തപുരം: മുഖ്യമന്ത്രിയുടെ അഴിമതിക്കഥകൾ പുറത്തുവരുമെന്ന ഭയത്താലാണ് ലോകായുക്ത നിർദ്ദേശിച്ചിട്ടും മന്ത്രി കെ ടി ജലീലിനോട് രാജി ആവശ്യപ്പെടാത്തതെന്ന് യുഡിഎഫ് കൺവീനർ എം എം ഹസന്‍. അഴിമതി രാജാവായ മുഖ്യമന്ത്രി സ്വജനപക്ഷപാതക്കാരനായ മന്ത്രിയെ സംരക്ഷിക്കുകയാണ്.
കൂടുതല്‍ വായിക്കുക...."നായനാരുടെ ആത്മാവ് പോലും പിണറായിയോട് പൊറുക്കില്ല": രമേശ് ചെന്നിത്തല
ഇ പി ജയരാജനോട് രാജിവയ്ക്കാൻ പറഞ്ഞ മുഖ്യമന്ത്രി ജലീലിനോട് അതാവശ്യപ്പെടുന്നില്ല. സ്വർണക്കള്ളക്കടത്ത് അടക്കമുള്ള അഴിമതികളിൽ ഇടനിലക്കാരനായി പ്രവർത്തിച്ചത് ജലീലാണ്. മുഖ്യമന്ത്രിയെ ചുറ്റിപ്പറ്റിയുള്ള അഴിമതികളെക്കുറിച്ച് എല്ലാമറിയാവുന്ന ഒരേയൊരാൾ ജലീൽ ആയതിനാലാണ് ഇ പി ജയരാജനോടില്ലാത്ത സമീപനം ജലീലിനോട് കാട്ടുന്നതെന്നും എം എം ഹസൻ ആരോപിച്ചു.
കൂടുതല്‍ വായിക്കുക.....കെ.ടി ജലീല്‍ ഹൈക്കോടതിയെ സമീപിച്ചു; ഹര്‍ജി നാളെ പരിഗണിക്കും
മുഖ്യമന്ത്രി കെ ടി ജലീലിന്‍റെ രാജി ആവശ്യപ്പെടണമെന്നുന്നയിച്ച് യൂത്ത് കോൺഗ്രസ് സംഘടിപ്പിച്ച സെക്രട്ടേറിയറ്റ് മാർച്ച് ഉദ്ഘാടനം ചെയ്യുകയായിരുന്നു എം എം ഹസന്‍.
