സംസ്ഥാനത്ത് തുടരുന്ന കനത്ത മഴ : കോളജുകൾ തുറക്കുന്നത് നീട്ടി

ഒക്ടോബര്‍ 19 വരെ ശബരിമല തീർഥാടനം ഒഴിവാക്കും ; തീരുമാനങ്ങള്‍ മുഖ്യമന്ത്രി വിളിച്ചുചേർത്ത ഉന്നതതല യോഗത്തില്‍

തിരുവനന്തപുരം : സംസ്ഥാനത്ത് കനത്തമഴ തുടരുന്ന പശ്ചാത്തലത്തിൽ കോളജുകൾ തുറക്കുന്നത് നീട്ടി. ഒക്ടോബർ 18ന് തുറക്കാനിരുന്ന
ഉന്നതവിദ്യാഭ്യാസ സ്ഥാപനങ്ങൾ ഈ മാസം 20 മുതലാകും തുറന്നുപ്രവര്‍ത്തിക്കുക.

19 വരെ മഴ തുടരുമെന്ന മുന്നറിയിപ്പിൻ്റെ പശ്ചാത്തലത്തിൽ അതുവരെ ശബരിമല തീർഥാടനവും ഒഴിവാക്കും. മുഖ്യമന്ത്രി വിളിച്ചുചേർത്ത ഉന്നതതല യോഗത്തിലാണ് തീരുമാനങ്ങൾ.

കനത്ത മഴയെ തുടർന്ന് തലസ്ഥാനത്തെ പ്രമുഖ വിനോദസഞ്ചാരകേന്ദ്രമായ പൊന്മുടി അടച്ചു. സംസ്ഥാനത്തെ വിവിധ മലയോര മേഖലകളില്‍ രാത്രി യാത്രയ്ക്കും നിയന്ത്രണമുണ്ട്.