തിരുവനന്തപുരം: കോവളത്ത് വീടുകളും നിരവധി വിഹനങ്ങളും അടിച്ചു തകർത്തു. പരുത്തിവിളാകം വീട്ടിൽ സുരേഷിൻ്റെയും ഇയാളുടെ സഹോദരന്‍ മോഹനൻ്റെ വീട്ടിലുമാണ് ആക്രമണം നടന്നത്. ഇവരുടെ വീടിന് സമീപം നിർത്തിയിട്ടിരുന്ന നിരവധി വാഹനങ്ങളും അക്രമികൾ അടിച്ചു തകർത്തു. സംഭവത്തിന് പിന്നിൽ കഞ്ചാവ് മാഫിയ സംഘമാണെന്നാണ് പ്രാഥമിക നിഗമനം. അക്രമികൾ വീടിൻ്റെ ജനൽ ചില്ലുകൾ, ഒമിനി വാൻ, ഒരു ബുള്ളറ്റ്, നിരവധി മോട്ടോർ സൈക്കിളുകൾ എന്നിവ അടിച്ചു തകര്‍ത്തിട്ടുണ്ട്. കോവളം പൊലീസ് അന്വേഷണം ആരംഭിച്ചു.
കോവളത്ത് വീടുകള്‍ക്കും വാഹനങ്ങള്‍ക്കും നേരെ ആക്രമണം
