തിരുവനന്തപുരം: കൊവിഡ് ബാധിച്ച് തിരുവനന്തപുരം മെഡിക്കൽ കോളജ് ആശുപത്രിയില്‍ കഴിയുന്ന സ്പീക്കർ പി ശ്രീരാമകൃഷ്ണനെ ഐസിയുവിലേക്ക് മാറ്റി. ഹൃദയ സംബന്ധമായ അസുഖങ്ങൾ കൂടിയുള്ളതിനാലാണ് സ്പീക്കറെ ഐസിയുവിലേക്ക് മാറ്റിയത്.
കൊവിഡിന് പിന്നാലെ സ്പീക്കർക്ക് ന്യൂമോണിയ ബാധകൂടി സ്ഥിരീകരിച്ചിട്ടുണ്ട്. ഈ സാഹചര്യത്തിൽ പരിചരണം ഉറപ്പാക്കാനാണ് ഐസിയുവിലേക്ക് മാറ്റിയത്. നിലവിൽ സ്പീക്കറുടെ ആരോഗ്യനില തൃപ്തികരമാണെന്ന് മെഡിക്കൽ കോളജ് അധികൃതർ അറിയിച്ചു.
സ്പീക്കറുടെ ചികിത്സക്കായി പ്രത്യേക മെഡിക്കൽ ബോർഡിനും രൂപം നൽകിയിട്ടുണ്ട്. ശനിയാഴ്ചയാണ് സ്പീക്കർക്ക് കൊവിഡ് സ്ഥിരീകരിച്ചത്.
