നിർമാണ സാമഗ്രികൾ വിൽക്കുന്ന കടകൾ നിശ്ചിത ദിവസങ്ങളിൽ തുറക്കാം: മുഖ്യമന്ത്രി

വയനാട്ടിലും ഇടുക്കിയിലും മലഞ്ചരക്കു കടകൾ ആഴ്ചയിൽ രണ്ടു ദിവസവും മറ്റു ജില്ലകളിൽ ഒരു ദിവസവും തുറക്കും

തിരുവനന്തപുരം: നിർമാണ പ്രവർത്തനത്തിന് സാധനങ്ങൾ വിൽക്കുന്ന കടകൾ തുറക്കാൻ അനുവദിക്കുമെന്ന് മുഖ്യമന്ത്രി പിണറായി വിജയൻ. നിശ്ചിത ദിവസങ്ങളിലായിരിക്കും പ്രവർത്തന അനുമതി നൽകുക. നിർമാണ പ്രവർത്തനങ്ങൾക്ക് ആവശ്യമായ വെട്ടുകല്ല് ചെത്താൻ അനുവാദം നൽകിയിട്ടുണ്ട്.

ഇത്‌ കൊണ്ടുപോകുന്ന വാഹനങ്ങൾ തടയില്ല. വയനാട്ടിലും ഇടുക്കിയിലും മലഞ്ചരക്കു കടകൾ ആഴ്ചയിൽ രണ്ടു ദിവസവും മറ്റു ജില്ലകളിൽ ഒരു ദിവസവും തുറക്കും. റബ്ബർ തോട്ടങ്ങളിൽ സ്ഥാപിക്കുന്ന റെയിൻ ഗാർഡ് വിൽക്കുന്ന കടകൾ നിശ്ചിത ദിവസം തുറക്കാൻ അനുവദിക്കുമെന്നും മുഖ്യമന്ത്രി പറഞ്ഞു