തിരുവനന്തപുരം: കൂത്തുപറമ്പിൽ യൂത്ത് ലീഗ് പ്രവർത്തകൻ മൻസൂർ കൊല്ലപ്പെട്ട സംഭവം ഐപിഎസ് ഉദ്യോഗസ്ഥൻ്റെ നേതൃത്വത്തിലുള്ള പ്രത്യേകസംഘം അന്വേഷിക്കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല ഡിജിപി ലോക്നാഥ് ബെഹ്റയ്ക്ക് കത്തുനൽകി.
Read more: മൻസൂർ വധം: അന്വേഷണത്തിന് ഐപിഎസുകാരന്‍ വേണമെന്ന് ചെന്നിത്തല
ഇപ്പോൾ നടക്കുന്ന ക്രൈംബ്രാഞ്ച് അന്വേഷണത്തിൽ വിശ്വാസമില്ല. തെളിവ് നശിപ്പിക്കാനും കേസന്വേഷണം അട്ടിമറിക്കാനും ശ്രമം നടക്കുന്നു. ഭരണകക്ഷിയായ സിപിഎമ്മിൻ്റെ നേതൃത്വത്തിലാണ് അട്ടിമറി ശ്രമം ഉണ്ടാകുന്നത്.
നിലവിലെ അന്വേഷണത്തിലൂടെ യഥാർഥ പ്രതികളെ നിയമത്തിന് മുന്നിൽ കൊണ്ടുവരാൻ കഴിയില്ല. ഈ സാഹചര്യത്തിലാണ് ഐപിഎസ് ഉദ്യോഗസ്ഥൻ്റെ നേതൃത്വത്തിലുള്ള പ്രത്യേക സംഘം അന്വേഷിക്കണമെന്ന് ആവശ്യപ്പെടുന്നതെന്നും പ്രതിപക്ഷനേതാവ് കത്തിൽ വ്യക്തമാക്കുന്നു.
