തിരുവനന്തപുരം: കൊവിഡ്‌ 19 വ്യാപന പശ്ചാത്തലത്തില്‍ സംസ്ഥാനത്തെ എല്ലാ പി.എസ്.സി പരീക്ഷകളും മാറ്റിവെച്ചു. ഏപ്രില്‍ 30 വരെ നടത്താന്‍ നിശ്ചയിച്ച പരീക്ഷകളാണ് മാറ്റിവെച്ചത്. ഏപ്രില്‍ 14 വരെയുള്ള പരീക്ഷകളും അഭിമുഖങ്ങളും മറ്റി വയ്‌ക്കുന്നതായി നേരത്തെ തന്നെ പി.എസ്.സി അറിയിച്ചിരുന്നു. ഒ.എം.ആര്‍, കായിക ക്ഷമത പരീക്ഷകള്‍ ഉള്‍പ്പെടെയാണ് മാറ്റിവെച്ചിരിക്കുന്നത്.
ഏപ്രില്‍ 30 വരെയുള്ള എല്ലാ പിഎസ്‌സി പരീക്ഷകളും മാറ്റി
സാമൂഹ്യ വ്യാപനത്തിന്‍റെ സാധ്യത കണക്കിലെടുത്താണ് പുതിയ തീരുമാനമെന്ന് പി.എസ്.സി ചെയര്‍മാന്‍ എം.കെ. സക്കീര്‍ പറഞ്ഞു. പുതുക്കിയ പരീക്ഷ തീയതികള്‍ പിന്നീട് അറിയിക്കുമെന്നും അദ്ദേഹം വ്യക്തമാക്കി.
