തിരുവനന്തപുരം : പോത്തൻകോട് 36 ദിവസം മാത്രം പ്രായമായ കുഞ്ഞിനെ കിണറ്റിൽ മരിച്ച നിലയിൽ കണ്ടെത്തിയ സംഭവത്തിൽ മാതാവ് സുരിതയെ റിമാൻഡ് ചെയ്തു. ഇന്നലെ പോത്തൻകോട് പൊലീസ് മൊഴിയെടുത്തതിന് പിന്നാലെ സുരിതയെ കസ്റ്റഡിയിലെടുത്തിരുന്നു (Newborn baby murder Thiruvananthapuram). തുടർന്ന് നടത്തിയ ചോദ്യം ചെയ്യലിനൊടുവിലാണ് സാമ്പത്തികമായ ബുദ്ധിമുട്ടുകൾ കാരണം കുഞ്ഞിനെ വളർത്താൻ കഴിയാത്തതിനാൽ കൊലപ്പെടുത്തിയെന്ന് സുരിത പൊലീസിന് മുന്നിൽ കുറ്റസമ്മതം നടത്തിയത്.
കുട്ടിക്ക് വൃക്ക സംബന്ധമായ അസുഖം ഉണ്ടായിരുന്നു. മാത്രമല്ല ജനിച്ചപ്പോൾ മുതല്‍ ഭാരക്കുറവും ഉണ്ടായിരുന്നു. നിലവിലെ സാഹചര്യത്തിൽ രോഗ ബാധിതയായ കുഞ്ഞിനെ വളർത്താൻ കഴിയാത്തതിനാലാണ് കൊലപ്പെടുത്തിയതെന്നാണ് സുരിത കുറ്റസമ്മതം നടത്തിയത്. തുടർന്നാണ് പൊലീസ് അറസ്റ്റ് രേഖപ്പെടുത്തി ആറ്റിങ്ങൽ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി 2ല്‍ ഹാജരാക്കി റിമാൻഡ് ചെയ്‌ത് (Pothencode new born baby murder mother remanded ).
പോത്തൻകോട് മഞ്ഞമല കുറവൻ വിളാകത്ത് വീട്ടിൽ സജി-സുരിത ദമ്പതികളുടെ 36 ദിവസം പ്രായമായ ആൺ കുഞ്ഞിനെയാണ് കിണറ്റില്‍ മരിച്ച നിലയില്‍ കണ്ടെത്തിയത്. സാമ്പത്തികമായ ബുദ്ധിമുട്ടുകൾ കാരണം കുഞ്ഞിനെ വളർത്താൻ കഴിയാത്തതിനാൽ കൊലപ്പെടുത്തിയെന്നാണ് സുരിത പൊലീസിന് മൊഴി നൽകിയത്. കുട്ടിക്ക് വൃക്ക സംബന്ധമായ അസുഖം ഉണ്ടായിരുന്നു. മാത്രമല്ല ജനിച്ചപ്പോൾ മുതല്‍ ഭാരക്കുറവും ഉണ്ടായിരുന്നു. നിലവിലെ സാഹചര്യത്തിൽ രോഗ ബാധിതയായ കുഞ്ഞിനെ വളർത്താൻ കഴിയാത്തതിനാലാണ് കൊലപ്പെടുത്തിയതെന്നാണ് സുരിത പൊലീസിനോട് പറഞ്ഞത് (new born baby killed by mother in Pothencode)
സാമ്പത്തിക ഞെരുക്കം കാരണം കുഞ്ഞിന്‍റെ നൂല്‌ക്കെട്ട് നടത്തിയിരുന്നില്ല. പ്രസവ ശേഷം സുരിത പോത്തൻകോട് മഞ്ഞമലയിലെ വീട്ടിലായിരുന്നു താമസം. ഡിസംബര്‍ 26ന് രാത്രിയോടെ കുട്ടിയെ കാണാതാകുകയായിരുന്നു. തുടർന്ന് പണിമൂലയിലുള്ള ഭര്‍ത്താവിനെ വിവരം അറിയിക്കുകയും വിവരം അറിഞ്ഞ സജി പൊലീസില്‍ പരാതി നല്‍കുകയും ചെയ്തു. പൊലീസ് നടത്തിയ തെരച്ചിലിൽ കുട്ടിയെ പുതച്ചിരുന്ന ടവ്വൽ കിണറിന് പരിസരത്ത് നിന്ന് കണ്ടെത്തി. പിന്നാലെ അഗ്നിശമന സേനാംഗങ്ങള്‍ കിണറ്റിലിറങ്ങി തെരച്ചില്‍ നടത്തി. ഇതോടെയാണ് കുഞ്ഞിന്‍റെ മൃതദേഹം കണ്ടെത്തിയത്.
Also read: നവജാത ശിശുവിനെ കിണറ്റിൽ മരിച്ച നിലയിൽ കണ്ടെത്തിയ സംഭവം; അമ്മ പൊലീസ് കസ്റ്റഡിയിൽ
