തിരുവനന്തപുരം: പരസ്പരം കാലുവാരുന്ന രീതി കോൺഗ്രസിൽ ഇല്ലാതായാൽ മാത്രമേ ഇനിയുള്ള തെരഞ്ഞെടുപ്പുകളില്‍ വിജയിക്കാൻ കഴിയുകയുള്ളൂവെന്ന് കെ.മുരളീധരൻ എം.പി. നേമത്ത് മത്സരിക്കാനെത്തിയപ്പോൾ പലയിടത്തും കമ്മിറ്റികൾ പോലുമില്ലായിരുന്നുവെന്നും പാർട്ടിയുണ്ടാക്കിയാണ് മത്സരിച്ചതെന്നും മുരളീധരൻ കൂട്ടിച്ചേർത്തു.
ഒരു സ്ഥാനാർഥി വന്നാൽ എങ്ങനെ ശരിയാക്കാമെന്നാണ് ചിലരുടെ ചിന്ത. ഈ ചിന്തയിൽ അങ്ങോട്ടും ഇങ്ങോട്ടും വാരുമ്പോൾ സുന്ദരമായി തോൽക്കും. ഇത് മാറിയാൽ മാത്രമേ പാർട്ടിക്ക് വിജയിക്കാൻ കഴിയുകയുള്ളൂ എന്നും മുരളീധരൻ പറഞ്ഞു.
ALSO READ: മദ്യം വൈകും; ബെവ്‌കോ ഔട്ട്‌ലെറ്റുകള്‍ നാളെ തുറക്കില്ല
എല്ലാവരും ഭാരവാഹികളാകുന്ന സ്ഥിതിയിലും കോൺഗ്രസിൽ മാറ്റം വരണം. ഒരുമിച്ച് പോയാൽ എല്ലാവർക്കും നല്ലത്. സുധാകരനെ നന്നായി പ്രവർത്തിക്കാൻ അനുവദിക്കണം. കെപിസിസി പ്രസിഡന്‍റ് സ്ഥാനം ഒഴിയുന്ന മുല്ലപ്പള്ളി രാമചന്ദ്രനെ വടകരയിലേക്ക് സ്വാഗതം ചെയ്യുകയാണെന്നും മുരളീധരൻ പറഞ്ഞു.
