തിരുവനന്തപുരം: ദേശീയപാത അതോറിറ്റിക്കെതിരെ രൂക്ഷ വിമര്‍ശനവുമായി പൊതുമരാമത്ത് മന്ത്രി മുഹമ്മദ് റിയാസ്. ദേശീയപാതയിലെ കുഴികള്‍ അടയ്ക്കാ‌ന്‍ അതോറിറ്റി കര്‍ശന നടപടി സ്വീകരിക്കുന്നില്ലെന്ന് മന്ത്രി ആരോപിച്ചു. ദേശീയപാത അതോറിറ്റി കാരാറുകാരെ ഭയക്കുകയാണ്.
കരാറുകാരെക്കൊണ്ട് കുഴികള്‍ അടപ്പിക്കുന്നതിനുള്ള നടപടികള്‍ സ്വീകരിക്കുന്നില്ല. ദേശീയപാതയിലെ പ്രശ്‌നത്തിന് പൊതുമാരാമത്തിന് ഇടപെടാന്‍ കഴിയില്ലെന്നും മന്ത്രി പറഞ്ഞു. കഴിഞ്ഞ ദിവസം നെടുമ്പാശ്ശേരിയില്‍ റോഡിലെ കുഴിയില്‍പ്പെട്ട് ബൈക്ക് യാത്രികന്‍ മരിച്ച സംഭവത്തിലാണ് മന്ത്രി മുഹമ്മദ് റിയാസിന്‍റെ പ്രതികരണം.
