തിരുവനന്തപുരം: കണിയാപുരത്ത് സ്വർണക്കടയ്ക്ക് നേരെ ബോംബ് എറിഞ്ഞ് ഭീകരാന്തരീക്ഷം സൃഷ്ടിച്ച് സ്വർണം കവർന്ന കേസിലെ പ്രധാന പ്രതി പിടിയിൽ. കേസിലെ സൂത്രധാരനും മുഖ്യപ്രതിയുമായ കഠിനംകുളം പുതുക്കുറുച്ചി സ്വദേശി തംബുരു വിഷ്ണു (22) ആണ് കഠിനംകുളം പൊലീസിന്റെ പിടിയിലായത്.
നിരവധി ക്രിമിനൽ കേസുകളിൽ പ്രതിയായ വിഷ്ണുവിന്റെ ആസൂത്രണത്തിലാണ് മറ്റ് പ്രതികൾ കവർച്ച നടത്തിയത്. നാല് പേർ ഈ കേസിൽ അറസ്റ്റിലായിട്ടുണ്ട്. കഴിഞ്ഞ 29ന് രാത്രി ഒമ്പത് മണിക്കാണ് കണിയാപുരം പള്ളി നടയിലുള്ള സിഎസ് ഗോൾഡ് വർക്സ് ആക്രമിച്ച് സ്വർണം കവർന്നത്.