മദ്യവില്‍പ്പന ശാലകള്‍ ഇനി രാത്രി ഏഴ് വരെ

ഓണക്കാലത്തെ തിരക്ക് പരിഗണിച്ചാണ് ബിവറേജസ് ഔട്ട് ലെറ്റുകളുടെ പ്രവര്‍ത്തി സമയം രാത്രി ഏഴ്‌ മണി വരെ വര്‍ദ്ധിപ്പിക്കാന്‍ തീരുമാനിച്ചിരിക്കുന്നത്.

തിരുവനന്തപുരം: സംസ്ഥാനത്തെ മദ്യവില്‍പ്പന ശാലകളുടെ പ്രവർത്തന സമയം രണ്ട് മണിക്കൂർ കൂടി നീട്ടും. രാവിലെ ഒമ്പത് മുതൽ രാത്രി ഏഴ് വരെ ബിവറേജസ് ഔട്ട് ലെറ്റുകൾ പ്രവർത്തിക്കും. ഓണക്കാലത്തെ തിരക്ക് പരിഗണിച്ചാണ് സമയം വർധിപ്പിക്കാനുള്ള തീരുമാനം. നിലവിൽ അഞ്ചു മണി വരെയാണ് ഔട്ട്ലെറ്റുകള്‍ പ്രവർത്തിക്കുന്നത്. ഓണക്കാലത്ത് ബെവ് ക്യു ആപ്പിലൂടെ എല്ലാ ദിവസവും മദ്യം ബുക്ക് ചെയ്യാനും സാധിക്കും. അതേ സമയം ബാറുകളുടെ പ്രവർത്തന സമയം നീട്ടുന്നതിൽ തീരുമാനമായില്ല.