മഹാനവമിക്ക് പ്രത്യേക സർവീസുകളുമായി കെ.എസ്.ആർ.ടി.സി

ടിക്കറ്റുകൾ ഓൺലൈൻ മുഖേനയും റിസർവേഷൻ ആപ്പായ 'എൻ്റെ കെ.എസ്.ആർ.ടി.സി' വഴിയും ബുക്ക് ചെയ്യാം

തിരുവനന്തപുരം: മഹാനവമി പ്രമാണിച്ച് കെ.എസ്.ആർ.ടി.സി പ്രത്യേക സർവീസുകൾ ആരംഭിക്കും. ഈ മാസം 21 മുതൽ നവംബർ രണ്ട് വരെ തിരുവനന്തപുരത്ത് നിന്നും കൊല്ലൂർ മൂകാംബികയിലേക്കാണ് പ്രത്യേക സൂപ്പർ ഡീലക്‌സ് സർവീസ് നടത്തുന്നത്. യാത്രക്കാരുടെ ആവശ്യത്തെ തുടർന്ന് തിരുവനന്തപുരത്ത് നിന്നും ചെന്നൈയിലേക്കും സർവീസ് നടത്തും.

ബസിൻ്റെ സമയക്രമം:

14:30 തിരുവനന്തപുരം - കൊല്ലൂർ മൂകാംബിക
14:30 കൊല്ലൂർ മൂകാംബിക - തിരുവനന്തപുരം

(എറണാകുളം, തൃശൂർ, കോഴിക്കോട്, കാസർകോട്, മംഗലാപുരം വഴിയാണ് കൊല്ലൂർ മൂകാംബിക സർവീസ് നടത്തുന്നത് )

17:01 തിരുവനന്തപുരം - ചെന്നൈ
17:01 ചെന്നൈ- തിരുവനന്തപുരം
(എറണാകുളം, പാലക്കാട് വഴി)

ടിക്കറ്റുകൾ ഓൺലൈൻ മുഖേനയും റിസർവേഷൻ ആപ്പായ 'എൻ്റെ കെ.എസ്.ആർ.ടി.സി' വഴിയും ബുക്ക് ചെയ്യാം.