കേരളത്തിൽ മയക്കുമരുന്ന് മാഫിയ പ്രവർത്തിക്കുന്നുണ്ടെന്ന ആരോപണം നിഷേധിച്ച് എക്സൈസ് കമ്മീഷണർ ഋഷിരാജ് സിംഗ്. തിരുവനന്തപുരം നഗരത്തിൽ അടുത്തിടെ നടന്ന കൊലപാതകങ്ങൾക്ക് പിന്നിൽ മയക്കുമരുന്ന് മാഫിയയുടെ സ്വാധീനമുണ്ടെന്ന ആരോപണം അടിസ്ഥാനരഹിതമാണ്. സംസ്ഥാനത്തേക്ക് അതിർത്തി കടന്ന് കഞ്ചാവും ലഹരി മരുന്നുകളും യഥേഷ്ടം കടന്നു വരുന്നുണ്ടെങ്കിലും ഇത് പിടികൂടാൻ ആവശ്യമായ അംഗബലം എക്സൈസിനില്ലെന്നും അദ്ദേഹം പറഞ്ഞു.
കൊച്ചി ഉൾപ്പെടെ സംസ്ഥാനത്തിൻ്റെ വിവിധ ഭാഗങ്ങളിൽ കപ്പലുകളിലും വിനോദസഞ്ചാര ബോട്ടുകളിലും വന്നിറങ്ങുന്നവരെ പരിശോധിക്കാൻ കസ്റ്റംസിനോഎക്സൈസിനോഅധികാരമില്ലെന്ന് ഋഷിരാജ് സിംഗ് ചൂണ്ടിക്കാട്ടുന്നു. ഇത്തരത്തിൽ എത്തുന്നവർഏഴും എട്ടും മണിക്കൂറുകൾ യഥേഷ്ടം പുറത്ത് സഞ്ചരിക്കുന്നുണ്ട്. ഈ സമയത്ത് ഇവർ മയക്കുമരുന്ന് കൈമാറ്റം ചെയ്താൽ ഒന്നും ചെയ്യാന്‍ സാധിക്കുന്നില്ല. കൂടാതെ
കേരളത്തിന്‍റെഅതിർത്തികളിലൂടെ കഞ്ചാവ് കടത്തുന്നുണ്ടെന്നത് യാഥാർത്ഥ്യമാണ്. അതിർത്തികളിലെ ഊടുവഴികളിലൂടെ കാൽനടയായി ഇവ കേരളത്തിലെത്തിക്കാൻ ആളുകളുമുണ്ട്. പക്ഷേ, പരിശോധിക്കാനും പിടികൂടാനും എക്സൈസിന് അംഗബലമില്ല. 50 പേരുള്ള എക്സൈസ് ക്രൈംബ്രാഞ്ചും 50 അംഗ എക്സൈസ് ഇൻ്റലിജൻസും വേണമെന്ന് സർക്കാരിനോട് ആവശ്യപ്പെട്ടിട്ട്വർഷങ്ങളായെങ്കിലും ഇതുവരെ നടപടി ആയിട്ടില്ലെന്നുംഋഷിരാജ് സിംഗ് പറയുന്നു.
ആന്ധ്ര-തെലങ്കാന സംസ്ഥാനങ്ങളിൽ നിന്നാണ് കേരളത്തിലേക്ക് ഏറ്റവും കൂടുതൽ കഞ്ചാവ് എത്തുന്നത്. വിശാഖപട്ടണത്ത് ഗ്രാമപ്രദേശങ്ങളിൽ ഹെക്ടർ കണക്കിന് സ്ഥലത്ത് കഞ്ചാവ്കൃഷിയുണ്ട്. ഇതിൽ കൂടുതലും എത്തുന്നത് കേരളത്തിലേക്കാണ്. കേരളത്തിലെത്തുന്ന കഞ്ചാവിന്‍റെ30 ശതമാനം മാത്രമാണ് പിടികൂടാൻ കഴിയുന്നതെന്നും ബാക്കി ഇവിടെ വിറ്റഴിക്കപ്പെടുന്നുണ്ടാകാമെന്നും എക്സൈസ് കമ്മീഷണർ ചൂണ്ടിക്കാട്ടുന്നു. മുൻകാലങ്ങളിൽ തെരുവുകളിൽ അലഞ്ഞു നടക്കുന്നവരായിരുന്നു കഞ്ചാവ് വിൽപ്പനക്കാരെങ്കിൽ ഇന്ന് ഡോക്ടർമാർ ഉൾപ്പെടെയുള്ള പ്രൊഫഷണലുകൾ ഈ കണ്ണികളിൽ പങ്കാളികളാണെന്നും എക്സൈസ് കമ്മീഷണർ ഋഷിരാജ് സിംഗ് പറയുന്നു.
