തിരുവനന്തപുരം: പുതുക്കിയ ഗതാഗത നിയമം സംസ്ഥാനത്ത് കർശനമാക്കാൻ ഒരുങ്ങി പോലീസ്. ആദ്യഘട്ടമായി ഒരാഴ്ച യാത്രക്കാർക്ക് ബോധവത്‌കരണം നൽകും. ക്രമസമാധാന ചുമതലയുള്ള എ.ഡി.ജി.പി ഷെയ്ഖ് ദർവേഷ് സാഹേബിന്‍റെ നേതൃത്വത്തിലാണ് തിരുവനന്തപുരത്ത് പരിശോധനയും ബോധവത്‌കരണവും ആരംഭിച്ചിരിക്കുന്നത്. രാവിലെയും വൈകുന്നേരവും ഓരോ മണിക്കൂർ വീതമാണ് ബോധവത്‌കരണം നടത്തുക. യാത്രക്കാർക്ക് നിയമലംഘനത്തിനുള്ള പിഴ സംബന്ധിച്ച നോട്ടീസും വിതരണം ചെയ്യുന്നുണ്ട്. നഗരത്തിൽ 30 സെക്ടറുകളായി തിരിച്ച് എസ്.ഐമാരുടെ നേതൃത്വത്തിൽ നാളെ മുതൽ കർശന പരിശോധന നടത്തും.
പുതിയ റോഡ് നിയമം; കര്‍ശന പരിശോധനക്കൊരുങ്ങി പൊലീസ്
