തിരുവനന്തപുരം: മുഖ്യമന്ത്രിയുടെ ഓദ്യോഗിക വാഹനം ഇനി മുതല്‍ കറുത്ത ഇന്നോവ. പതിവായി മുഖ്യമന്ത്രിമാര്‍ ഉപയോഗിച്ചിരുന്ന വെളുത്ത വാഹനമാണ് മാറ്റിയിരിക്കുന്നത്. പുതിയ വാഹനം ഇന്ന് മുതല്‍ മുഖ്യമന്ത്രി ഉപയോഗിച്ചു തുടങ്ങി.
മുന്‍ ഡിജിപി ലോക്‌നാഥ് ബെഹ്‌റയുടെ ശുപാര്‍ശയിലാണ് ഈ നിറം മാറ്റം. സുരക്ഷ കാരണം ചൂണ്ടികാട്ടിയാണ് വാഹനത്തിന്‍റെ നിറം മാറ്റിയത്. ഇതിനായി നാല് പുതിയ കാറുകളാണ് പൊലീസ് വാങ്ങിയിരിക്കുന്നത്.
മുഖ്യമന്ത്രിക്കും വാഹന വ്യൂഹങ്ങള്‍ക്കുമായി കറുപ്പ് നിറത്തിലുള്ള മൂന്ന് ഇന്നോവ ക്രിസ്റ്റ കാറുകളും ഒരു ടാറ്റ ഹാരിയറുമാണ് വാങ്ങിയത്. ഇതിനായി 62.46 ലക്ഷം രൂപയാണ് അനുവദിച്ചിരുന്നത്.
also read: കൗമാരക്കാരുടെ വാക്‌സിനേഷന്‍ കേന്ദ്രങ്ങളിൽ തിരക്ക്; അസ്വസ്ഥതകളില്ലെന്ന് കുട്ടികള്‍
കാലപ്പഴക്കവും കാര്യക്ഷമത കുറഞ്ഞതുമായ കാറുകളാണ് മാറ്റിയത്. തിരുവനന്തപുരം വിമാനത്താവളത്തില്‍ നിന്ന് ക്ലിഫ് ഹൗസിലേക്കുളള യാത്രയിലാണ് മുഖ്യമന്ത്രി കറുത്ത കാറിലെ ആദ്യ യാത്ര നടത്തിയത്.
