തിരുവനന്തപുരം: നിയമന വിവാദങ്ങള്‍ക്കിടെ കൂടുതല്‍ താല്കാലിക നിയമനങ്ങള്‍ സ്ഥിരപ്പെടുത്താന്‍ സര്‍ക്കാര്‍ നീക്കമെന്ന് സൂചന. ഇന്ന് ചേരുന്ന മന്ത്രിസഭാ യോഗത്തില്‍ ഇക്കാര്യത്തില്‍ തീരുമാനമുണ്ടായേക്കും. പത്ത് വര്‍ഷം പൂര്‍ത്തിയാക്കിയവരെ മാനുഷിക പരിഗണനയുടെ പേരില്‍ സ്ഥിരപ്പെടുത്തുന്നുവെന്ന വാദത്തിലുറച്ച് മുന്നോട്ട് പോകാനാണ് സാധ്യത.
നിയമനം ആവശ്യപ്പെട്ട് പി.എസ്.സി റാങ്ക് ഹോള്‍ഡേഴ്‌സ് സെക്രട്ടറിയേറ്റിനു മുന്നില്‍ സമരം ചെയ്യുന്നതിനിടെയാണ് കൂടുതല്‍ സ്ഥിരപ്പെടുത്തലുമായി സര്‍ക്കാര്‍ മുന്നോട്ട് പോകുന്നത്. ഈ മാസം 22 ന് തെരഞ്ഞെടുപ്പ് വിജ്ഞാപനം വരികയാണെങ്കില്‍ പിണറായി വിജയന്‍ സര്‍ക്കാറിന്‍റെ അവസാന മന്ത്രിസഭാ യോഗം കൂടിയാകും ഇന്നത്തേത്.
