അന്നത്തോളം വലുതല്ലല്ലോ മറ്റൊന്നും; ചലച്ചിത്ര മേളയ്‌ക്കെത്തുന്ന വിദ്യാർഥികൾക്ക് സൗജന്യ ഉച്ചഭക്ഷണവുമായി ഫിലിം ഫ്രറ്റേണിറ്റി

തിരുവനന്തപുരത്ത് രാജ്യാന്തര ചലച്ചിത്ര മേളയ്‌ക്കെത്തുന്ന വിദ്യാർഥികൾക്ക് സൗജന്യ ഉച്ചഭക്ഷണവുമായി തിരുവനന്തപുരം ഫിലിം ഫ്രറ്റേണിറ്റി

തിരുവനന്തപുരം: രാജ്യാന്തര ചലച്ചിത്ര മേളയ്‌ക്കെത്തുന്ന വിദ്യാർഥികൾക്ക് സൗജന്യ ഉച്ചഭക്ഷണവുമായി തിരുവനന്തപുരം ഫിലിം ഫ്രറ്റേണിറ്റി. കേരള ഫിലിം പ്രൊഡ്യൂസേഴ്‌സ് അസോസിയേഷനും കേരള ഫിലിം ചേംബർ ഓഫ് കോമേഴ്‌സും ചേർന്നാണ് സൗജന്യ ഉച്ചഭക്ഷണം വിതരണം ചെയ്യുന്നത്. 10 വർഷമായി തുടരുന്ന ഈ ഉച്ചഭക്ഷണ വിതരണം വിദ്യാർഥികൾക്ക് ഏറെ ആശ്വാസമാണ്.

ചലച്ചിത്ര മേളയിൽ വിദ്യാർഥികൾക്ക് പ്രവേശന പാസിന്‍റെ തുക കുറവാണെങ്കിലും ഭക്ഷണത്തിനും മറ്റും ചെലവ് ഏറെയാണ്. ഇതിന് വലിയൊരു പരിഹാരമാണ് ഈ സൗജന്യ ഉച്ച ഭക്ഷണം. ആറ് ദിവസങ്ങളിലായി 3000ത്തിലധികം പേർക്കാണ് ഇവർ ഭക്ഷണം വിതരണം ചെയ്‌തിരിക്കുന്നത്.