തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തിൽ റൺവേയ്ക്ക് സമീപത്തെ പുൽത്തകിടിയിൽ തീപിടിത്തം. പക്ഷികളെ തുരത്താൻ പടക്കം പൊട്ടിക്കുന്നതിനിടയിലാണ് തീപിടിത്തമുണ്ടായത്. വ്യാഴാഴ്ച വൈകിട്ടോടെയാണ് സംഭവം. വിമാനത്താവളത്തിലെ ഫയർ ഫോഴ്‌സ് യൂണിറ്റ് സ്ഥലത്തെത്തിയാണ് തീ അണച്ചത്.
ALSO READ: ധനുവച്ചപുരത്ത് സി.പി.എം സ്‌മൃതിമണ്ഡപം അടിച്ചു തകർത്തു; കൊടികളും നശിപ്പിക്കപ്പെട്ട നിലയിൽ
വൻതോതിലുള്ള പക്ഷിക്കൂട്ടം ഭീഷണിയായ സാഹചര്യത്തിലാണ് അധികൃതർക്ക് പടക്കം പൊട്ടിക്കേണ്ടി വന്നത്. തിരുവനന്തപുരം വിമാനത്താവളത്തിൽ പക്ഷി വിമാനത്തിലിടിച്ച് നിരവധി അപകടങ്ങളാണ് ഉണ്ടായിട്ടുള്ളത്. ഇതേതുടർന്ന് വിമാനങ്ങളുടെ ലാൻഡിങ്ങിനും ടേക്ക് ഓഫിനും മുമ്പ് അതീവ ജാഗ്രതയിലാണ് ജീവനക്കാർ.
