ഓണവിളവിൽ പ്രതീക്ഷയർപ്പിച്ച് കല്ലിയൂരിലെ കർഷകർ

പ്രളയം ബാധിച്ചില്ലെങ്കിലും ശക്തമായ മഴ കല്ലിയൂരെ കർഷകരെ കാര്യമായി ബാധിച്ചു. മഴയ്ക്കു മുമ്പ് ശക്തമായ വേനലും വില്ലനായി.

തിരുവനന്തപുരം: വേനലും മഴയും ചതിച്ചെങ്കിലും നിറഞ്ഞ പ്രതീക്ഷയോടെ ഓണവിളവൊരുക്കുകയാണ് കല്ലിയൂരിലെ കർഷകർ. കാലാവസ്ഥ വീണ്ടും പ്രതികൂലമായില്ലെങ്കിൽ ഓണത്തിന് ഭേദപ്പെട്ട വിളവ് ലഭിക്കുമെന്ന പ്രതീക്ഷയിലാണിവർ.

പ്രളയം ബാധിച്ചില്ലെങ്കിലും ശക്തമായ മഴ കല്ലിയൂരെ കർഷകരെ കാര്യമായി ബാധിച്ചു. മഴയ്ക്കു മുമ്പ് ശക്തമായ വേനലും വില്ലനായി.ഓണ വിപണിയിലേക്കുള്ള വെള്ളരി, വെണ്ട, ചീര, പയർ, ഏത്തക്കായ തുടങ്ങിയവയെല്ലാം കല്ലിയൂരിലെ ഏലകളിൽ തയ്യാറാകുന്നുണ്ട്. അതേസമയം കാലാവസ്ഥ മാറ്റം ചതിക്കുമോ എന്ന ആശങ്കയും ഇവർ പങ്കുവയ്ക്കുന്നു.പ്രതിസന്ധികൾ ഏറെയുണ്ടെങ്കിലും കർഷകർ പിന്നോട്ടില്ല. കാലാവസ്ഥാ പ്രശ്‌നങ്ങളില്ലെങ്കിൽ കൃഷി ലാഭമാണെന്നും ഇവർ പറയുന്നു.വിളനഷ്‌ടം ഉണ്ടാകുമ്പോൾ സർക്കാർ നൽകുന്ന നഷ്‌ടപരിഹാരം തുച്ഛമാണ്. അതു കണക്കാക്കി കൃഷിയിറക്കാനുമാവില്ല. അതേസമയം വിളവിറക്കാത്ത ഒരു ഓണത്തെപ്പറ്റി ഇവർക്ക് ചിന്തിക്കാനുമാവില്ല.