തിരുവനന്തപുരം: മുഖ്യമന്ത്രിക്കെതിരെ സ്വപ്ന സുരേഷ് നടത്തിയ ആരോപണങ്ങൾ ബോധപൂർവം കെട്ടിച്ചമച്ചതെന്ന് ഇടതുമുന്നണി കൺവീനർ ഇ പി ജയരാജൻ. മാഫിയ ഭീകരപ്രവർത്തനമാണ് നടക്കുന്നത്. ഇതിനുപിന്നിൽ പ്രവർത്തിച്ച നിഗൂഢ ശക്തികളുടെ സംഭാഷണം പുറത്തുവന്നിട്ടുണ്ട്.
ഈ ഗൂഢാലോചന സംബന്ധിച്ച് സംസ്ഥാന സർക്കാർ സമഗ്രമായ അന്വേഷണം നടത്തണമെന്ന് എൽഡിഎഫ് ആവശ്യപ്പെടുന്നതായി ജയരാജൻ പറഞ്ഞു. ഈ ഗൂഢാലോചനയ്ക്ക് പിന്നിൽ പി സി ജോർജ് മാത്രമാണെന്ന് കരുതുന്നില്ല. പി സി ജോർജും പ്രവർത്തിച്ചിട്ടുണ്ട്. നിരവധിപേർ ഈ ഗൂഢാലോചനയിൽ പങ്കെടുത്തിട്ടുണ്ട്. മുഖ്യമന്ത്രിയേയും ഇടതു രാഷ്ട്രീയത്തെയും അപകീർത്തിപ്പെടുത്താനാണ് നീക്കം. അടിസ്ഥാനമില്ലാത്ത ആരോപണം ഉന്നയിച്ച് മുഖ്യമന്ത്രിയെ കരിവാരിത്തേക്കാനാണ് ശ്രമമാണ് നടക്കുന്നതെന്നും ജയരാജൻ വ്യക്തമാക്കി.
Also read: 'ആരോപണങ്ങള്‍ രാഷ്ട്രീയ അജണ്ടയുടെ ഭാഗം'; സ്വപ്ന സുരേഷിന്‍റെ ആരോപണങ്ങൾ തള്ളി മുഖ്യമന്ത്രി
