ജയരാജന്മാര്‍ തമ്മിലുള്ള വാക്പോര്: സിപിഎം അന്വേഷണ സമിതിയെ നിയോഗിച്ചുവെന്നത് അടിസ്ഥാനരഹിതമായ വാര്‍ത്തയെന്ന് ഇ പി ജയരാജന്‍

സിപിഎം സംസ്ഥാന സമിതി യോഗത്തിൽ ഇ പി ജയരാജനും പി ജയരാജനും തമ്മിൽ നടന്ന ഏറ്റുമുട്ടല്‍ സംബന്ധിച്ച വാർത്തകൾക്ക് പിന്നാലെയാണ് അന്വേഷണ സമിതിയെ നിയോഗിച്ചുവെന്നത് അടിസ്ഥാനരഹിതമായ വാര്‍ത്തയാണെന്ന് ഇ പി ജയരാജന്‍ ഫേസ്‌ബുക്ക് പോസ്‌റ്റില്‍ കുറിച്ചത്.

തിരുവനന്തപുരം: റിസോര്‍ട്ട് വിവാദത്തിലെ ആരോപണങ്ങള്‍ പരിശോധിക്കാന്‍ സിപിഎം സംസ്ഥാന സമിതിയെ നിയോഗിച്ചുവെന്ന് മാധ്യമങ്ങള്‍ നല്‍കിയ വാര്‍ത്ത അടിസ്ഥാനരഹിതമെന്ന് എല്‍ഡിഎഫ്‌ കണ്‍വീനര്‍ ഇ പി ജയരാജന്‍. സിപിഎം സംസ്ഥാന സമിതി യോഗത്തിൽ ഇ പി ജയരാജനും പി ജയരാജനും തമ്മിൽ നടന്ന ഏറ്റുമുട്ടല്‍ സംബന്ധിച്ച വാർത്തകൾക്ക് പിന്നാലെയാണ് മാധ്യമങ്ങളെ വിമർശിച്ച് ഇടതുമുന്നണി കൺവീനർ ഇ പി ജയരാജൻ രംഗത്തെത്തിയത്. ജയരാജന്മാര്‍ തമ്മിലുള്ള വാക്പോരും ആരോപണങ്ങൾ പരിശോധിക്കാൻ സമിതിയെ നിയോഗിച്ചതും അടിസ്ഥാനരഹിതമെന്ന് ഇ പി ജയരാജൻ ഫേസ്ബുക്കിൽ കുറിച്ചു.

• " class="align-text-top noRightClick twitterSection" data="">

വ്യക്തിഹത്യ നടത്തുന്ന രീതിയിൽ വരെ വാർത്തകൾ സൃഷ്‌ടിക്കുകയാണ്. നുണകൾ അന്തരീക്ഷത്തിൽ പറത്തിവിട്ട് ജനങ്ങളെ തെറ്റിദ്ധരിപ്പിക്കാം എന്ന് ആരും കരുതേണ്ട. ചില മാധ്യമങ്ങളുടെ സിപിഎം വിരോധവും ഇടതുപക്ഷവും വിരോധവും നിറഞ്ഞ് അതിരു കടക്കുകയാണെന്ന് എല്‍ഡിഎഫ് കണ്‍വീനര്‍ പറഞ്ഞു.

വ്യക്തിഹത്യയുടെ തരത്തിലേക്ക് വരെ ഈ വിരോധം എത്തുന്നത് ഒരിക്കലും അംഗീകരിച്ച് തരാനാകില്ല. ഇത്തരം നടപടികൾക്കെതിരെ നിയമനടപടി സ്വീകരിക്കുമെന്നും ജയരാജൻ ഫേസ്ബുക്ക് പോസ്‌റ്റില്‍ കുറിച്ചു.