ബംഗാൾ ഉൾക്കടലില്‍ വീണ്ടും ന്യൂനമർദം; മഴ ശക്തമാകും

ഒഡിഷ- വടക്കൻ ആന്ധ്ര തീരത്ത് പുതിയ ന്യൂനമർദ്ദം രൂപപ്പെട്ടതോടെ കേരളത്തില്‍ മഴ ശക്തമാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.

തിരുവനന്തപുരം: സംസ്ഥാനത്ത് ആശങ്ക വർധിപ്പിച്ച് വീണ്ടും ബംഗാൾ ഉൾക്കടലില്‍ ന്യൂനമർദം. ബംഗാൾ ഉൾക്കടലിൽ ഒഡിഷ- വടക്കൻ ആന്ധ്ര തീരത്താണ് പുതിയ ന്യൂനമർദ്ദം രൂപപ്പെട്ടത്. ഇതേ തുടർന്ന് കേരളത്തില്‍ മഴ ശക്തമാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഞായറാഴ്ച പുതിയ ന്യൂനമർദ്ദം രൂപപ്പെടുമെന്ന് കേന്ദ്ര കാലവസ്ഥ വകുപ്പ് നേരത്തെ മുന്നറിയിപ്പ് നൽകിയിരുന്നു.