രണ്ട് പേരെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതി പിടിയിൽ

പഴയ കാരയ്ക്കാ മണ്ഡപം താന്നിവിള പുത്തൻ വീട്ടിൽ പ്രവീൺ(30) ആണ് അറസ്റ്റിലായത്. ജൂൺ പത്തിന് നേമം സ്വദേശികളായ രാജീവ്, സുജിത് എന്നിവരെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതിയാണ് ഇയാൾ

തിരുവനന്തപുരം: രണ്ട് പേരെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതിയെ നേമം പൊലീസ് പിടികൂടി. പഴയ കാരയ്ക്കാ മണ്ഡപം താന്നിവിള പുത്തൻ വീട്ടിൽ പ്രവീൺ(30) ആണ് പിടിയിലായത്. ജൂൺ പത്തിന് നേമം സ്വദേശികളായ രാജീവ്, സുജിത് എന്നിവരെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതിയാണ് ഇയാൾ. സംഭവത്തിന് ശേഷം ഒളിവിൽ പോയ ഇയാളെ നേമം എസ്.എച്ച്.ഒ അനൂപ് കൃഷ്‌ണയുടെ നേതൃത്വത്തിലുള്ള സംഘമാണ് പിടികൂടിയത്. കേസിലെ മറ്റു പ്രതികളായ പ്രദീപ്, നിഷാദ് എന്നിവരെ നേരത്തെ പിടികൂടിയിരുന്നു.