തിരുവനന്തപുരം: കൊവിഡ് പ്രതിരോധത്തിൽ കേരളത്തെ പ്രശംസിച്ച് തത്വചിന്തകനും സാമൂഹ്യ വിമര്‍ശകനുമായ നോം ചോംസ്കി. കൊവിഡ് മഹാമാരിയോട് കേരളം പ്രതികരിച്ച രീതി ലോകത്തെയാകെ അത്ഭുതപ്പെടുത്തുന്നതാണെന്ന് നോംചോംസ്കി പറഞ്ഞു. കേരളത്തെ പോലെ വളരെ കുറച്ച് സ്ഥലങ്ങളെ ഈ രീതിയിൽ കൊവിഡിനെ നേരിട്ടുള്ളൂ.
കൊവിഡ് പശ്ചാത്തലത്തിൽ പുതിയ ആശയങ്ങൾ കണ്ടെത്താൻ സംസ്ഥാന സർക്കാർ സംഘടിപ്പിച്ച തുടർ സംവാദ പരിപാടിയിൽ സംസാരിക്കുകയായിരുന്നു ചോംസ്കി. പൊതുവിദ്യാഭ്യാസ രംഗത്ത് കേരളം വളർത്തിയെടുത്ത ശക്തമായ സംവിധാനവും മെച്ചപ്പെട്ട പൊതുജനാരോഗ്യ ശൃംഖലയുമാണ് കൊവിഡിനെ വിജയകരമായി പ്രതിരോധിക്കാൻ സാധിച്ചതെന്ന് നോബൽ സമ്മാന ജേതാവും പ്രസിദ്ധ സാമ്പത്തിക ശാസ്ത്രജ്ഞനുമായ അമർത്യാസെൻ അഭിപ്രായപ്പെട്ടതായും മുഖ്യമന്ത്രിയുടെ ഓഫീസ് വ്യക്തമാക്കി.
