തിരുവനന്തപുരം: ചീഫ് സെക്രട്ടറി ബിശ്വാസ് മേത്ത അടുത്ത വിവരാവകാശ കമ്മിഷണറായി നിയമിക്കാന്‍ സര്‍ക്കാര്‍ തീരുമാനം. വിന്‍സന്‍.എം.പോള്‍ വിരമിച്ച ശേഷം രണ്ട് മാസമായി ഒഴിഞ്ഞു കിടക്കുന്ന മുഖ്യ വിവരാവകാശ്യ കമ്മിഷണര്‍ പദവിയിലാണ് വിശ്വാസ് മേത്തയെ നിയമിക്കുന്നത്. ഈ മാസം 28ന് വിരമിക്കാനിരിക്കെയാണ് പുതിയ സ്ഥാനത്തേക്കുള്ള നിയമനം.
മുഖ്യമന്ത്രിയും പ്രതിപക്ഷ നേതാവും നിയമമന്ത്രിയും അടങ്ങിയ സമിതിയാണ് മുഖ്യ വിവരാവകാശ കമ്മിഷണറെ തീരുമാനിക്കുന്നത്. ഓണ്‍ലൈനായി സമിതി യോഗം ചേര്‍ന്നാണ് വിശ്വാസ് മേത്തയെ ഈ സ്ഥാനത്തേക്ക് തെരഞ്ഞെടുത്തത്. രാജസ്ഥാന്‍ സ്വദേശിയായ വിശ്വാസ് മേത്ത കഴിഞ്ഞ വര്‍ഷം ടോം ജോസ് ചീഫ്‌സെക്രട്ടറി സ്ഥാനത്ത് നിന്ന് വിരമിച്ചപ്പോഴാണ് ചീഫ്‌സെക്രട്ടറി പദത്തിലെത്തിയത്.
