തിരുവനന്തപുരം: എസ്.എഫ്.ഐ പ്രവർത്തകനെ മർദിച്ച കേസിൽ എ.ബി.വി.പി പ്രവർത്തകൻ പിടിയില്‍. ധനുവച്ചപുരം വി.ടി.എം എൻ.എസ്.എസ് കോളജിലെ മൂന്നാം വർഷ ഡിഗ്രി വിദ്യാർഥിയും പെരുമ്പഴുതൂർ മാമ്പഴക്കര സ്വദേശിയുമായ അനിൽ ജിത്തിനെയാണ് മാരായമുട്ടം പൊലീസ് അറസ്റ്റ് ചെയ്‌തത്.
2019 മെയ് 20ന് രാത്രി 9.30ന് യൂണിവേഴ്സിറ്റി കോളജ് വിദ്യാര്‍ഥിയും എസ്.എഫ്.ഐ പ്രവര്‍ത്തകനുമായ അഖിലും സുഹൃത്തും ബൈക്കില്‍ വരുമ്പോള്‍ ആലത്തൂർ പാനലിന് സമീപം തടഞ്ഞു നിര്‍ത്തി മര്‍ദിക്കുകയായിരുന്നെന്നാണ് പരാതി. ചാലില്‍ തള്ളിയിട്ട ശേഷം കമ്പിയും സ്റ്റീല്‍ പൈപ്പും ഉപയോഗിച്ച് ക്രൂരമായി മര്‍ദിച്ചെന്നും പരാതിയില്‍ പറയുന്നു. രാഷ്ട്രീയ വിരോധമാണ് ആക്രമണത്തിന് പിന്നിലെന്ന് പൊലീസ് വ്യക്തമാക്കി.
