ബസിന് പിന്നാലെ ഓടിയ ശബരിമല തീർത്ഥാടകന്‍ കുഴഞ്ഞുവീണ് മരിച്ചു; തമിഴ്‌നാട് സ്വദേശിയാണ് മരിച്ചത്

Pilgrim From Tamil Nadu Collapsed and Died: ബസിനെ പിന്തുടര്‍ന്നോടിയ തീര്‍ത്ഥാടകനാണ് കുഴഞ്ഞ് വീണ് മരിച്ചത്. ഭക്തരുടെ തിരക്ക് കാരണം ബസ് മണിക്കൂറുകളോളം വഴിയില്‍ നിറുത്തിയിരുന്നു. ഇതിനിടെ ഭക്ഷണം കഴിക്കാന്‍ പോയ തീര്‍ത്ഥാടകന്‍ തിരികെ വരും മുമ്പ് ബസ് മുന്നോട്ട് എടുത്തു. ബസിനെ പിന്തുടര്‍ന്ന തീര്‍ത്ഥാടകന്‍ റോഡില്‍ കുഴഞ്ഞ് വീഴുകയായിരുന്നു.

പത്തനംതിട്ട: റാന്നി പെരുനാട് കൂനംകരയിൽ തമിഴ്‌നാട്ടില്‍ നിന്നുള്ള അയ്യപ്പ ഭക്തന്‍ കുഴഞ്ഞുവീണ് മരിച്ചു. തമിഴ്‌നാട് തിരുച്ചി സ്വദേശി പെരിയസ്വാമി(54) യാണ് മരിച്ചത്(Pilgrim From Tamil Nadu Collapsed and Died).

ശബരിമല തീർത്ഥാടകരുടെ തിരക്ക് നിയന്ത്രിക്കാൻ പുതുക്കടയിൽ വാഹനം പിടിച്ചിട്ടപ്പോൾ പെരിയ സ്വാമി ഭക്ഷണം കഴിക്കാൻ പുറത്തിറങ്ങി. പെരിയ സ്വാമി തിരിച്ചു കയറും മുൻപ് ബസ് വിട്ടുപോകുകയായിരുന്നു. ബസിനെ പിന്തുടർന്ന് റോഡിലൂടെ പോകുന്നതിനിടയിൽ പെരിയ സ്വാമി വഴിയിൽ കുഴഞ്ഞു വീഴുകയായിരുന്നു. നാട്ടുകാർ ഉടൻ ആംബുലൻസിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.