പത്തനംതിട്ട: തീർത്ഥാടനം ആരംഭിച്ച് ഒരാഴ്ച പിന്നിടുമ്പോൾ ശബരിമലയിൽ (Sabarimala) ആറ് കോടി വരുമാനം (Sabarimala revenue). കഴിഞ്ഞ മണ്ഡലകാലത്തെ (Mandala puja 2021) അപേക്ഷിച്ച് ഇക്കൊല്ലം പത്തിരട്ടി വരുമാനമാണ് ഇതുവരെ ലഭിച്ചത്. ആദ്യ ഏഴ് ദിവസത്തിൽ ശരാശരി 7500 പേരാണ് പ്രതിദിനം ദർ‍ശനം നടത്തിയത്.
കാണിക്ക ഇനത്തിന് പുറമെ അപ്പം അരവണ വിറ്റു വരവിലും വർധനയുണ്ട്. ഒന്നേകാൽ ലക്ഷംമ ടിൻ അരവണയും അൻപതിനായിരം പാക്കറ്റ് അരവണയും വിറ്റുപോയി.ഇതോടെ ശ‍‍ര്‍ക്കര വിവാദം അപ്പം അരവണ വില്‍പ്പനയെ ബാധിച്ചില്ല എന്നാണ് വിലയിരുത്തൽ. വഴിപാട് ഇനത്തിൽ 20 ലക്ഷം രൂപയാണ് വരവ്.
Also Read: Sabarimala Pilgrimage| പമ്പയിലേക്ക് ദിവസവും കെ.എസ്‌.ആര്‍.ടി.സി ബസ്‌
ഇതിനൊപ്പം പതിനെട്ടാം പടിയ്ക്ക് താഴെ ഉടയ്ക്കുന്ന തേങ്ങ, നെയ്ത്തേങ്ങ മുറി, മാളികപ്പുറത്ത് ഉരുട്ടുന്ന തേങ്ങ എന്നിവ ദേവസ്വം ബോർഡ് നേരിട്ട് വിൽക്കുകയാണ്. ഇവ ലേലത്തില്‍ പോകാത്തതിനാലാണ് ദേവസ്വം ബോര്‍ഡ് തന്നെ ദിവസവും തൂക്കി വില്‍ക്കുന്നത്.
