പത്തനംതിട്ട: മാര്‍ച്ച് അഞ്ചിന് ശേഷം സംസ്ഥാനത്തും ജില്ലയിലും എത്തിയവര്‍ 28 ദിവസം നിര്‍ബന്ധമായും ഹോം ക്വാറൻ്റൈിനില്‍ തുടരണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ.എ.എല്‍ ഷീജ അറിയിച്ചു. വിദേശരാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നും വന്നവര്‍ക്കും നിർദേശം ബാധകമാണ്.
ഈ കാലയളവില്‍ ആരോഗ്യവകുപ്പിൻ്റെ നിര്‍ദേശങ്ങള്‍ പാലിച്ച് സന്ദര്‍ശകരുമായോ കുടുംബാംഗങ്ങളുമായോ സമ്പര്‍ക്കമില്ലാതെ വായുസഞ്ചാരമുള്ള മുറിയില്‍ തനിച്ചു കഴിയേണ്ടതാണ്. കുടുംബാംഗങ്ങളുടെയും പൊതുസമൂഹത്തിൻ്റെയും ആരോഗ്യത്തെ കരുതി മറ്റു സംസ്ഥാനങ്ങളില്‍ നിന്നു വരുന്നവരുള്‍പ്പെടെ എല്ലാവരും ഈ നിര്‍ദേശം പാലിക്കണം.
ജില്ലയില്‍ മാര്‍ച്ച് 22ന് എത്തിയവരുടെ ക്വാറൻ്റൈൻ കാലാവധി അവസാനിക്കുന്നത് എപ്രില്‍ 19 ശേഷമായിരിക്കുമെന്നും ഡി.എം.ഒ അറിയിച്ചു.
