ശബരിമല: അയ്യപ്പന് പാലഭിഷേകം നടത്തുന്നതിനായി സന്നിധാനത്ത് പ്രത്യേക ഗോശാല. പുലർച്ചെ രണ്ട് മണിയോടെയാണ് ഗോശാല ഉണരുന്നത്. മൂന്ന് മണിയോടെ ഗോക്കളെ കറന്നെടുക്കുന്ന പാൽ അയ്യപ്പന് അഭിഷേകം ചെയ്യാൻ ശ്രീകോവിലിൽ എത്തിക്കും.
ശബരിമലയിൽ അയ്യപ്പന് പാലഭിഷേകം നടത്താൻ പ്രത്യേക ഗോശാല
കിടാരികൾ ഉൾപ്പടെ 25 പശുക്കളാണ് സന്നിധാാനത്തുള്ളത്. ഈ പശുക്കളെല്ലാം അയ്യപ്പ സന്നിധിയിൽ സമർപ്പിക്കപ്പെട്ടവയാണ്. ഇതിൽ കറവയുള്ളത് നാല് പശുക്കൾക്കാണ്. സന്നിധാനത്തെ പൂജാവശ്യങ്ങൾക്കായി പാൽ എത്തിക്കുന്നതും സന്നിധാനത്തെ ഗോശാലയിൽ നിന്നു തന്നെയാണ്. ശബരിമലയിൽ ഭസ്മകുളത്തിന് സമീപമാണ് വിശാലമായ ഗോശാലയുള്ളത്. കൊൽക്കത്ത സ്വദേശി ആനന്ദിനാണ് ഇപ്പോൾ ഗോശാലയുടെ പരിപാലന ചുമതല.
