പാലക്കാട്: ഇ ശ്രീധരനിലൂടെ പാലക്കാട് മണ്ഡലം പിടിക്കുമെന്ന ബിജെപി അവകാശവാദങ്ങള്‍ ഫലം കണ്ടില്ല. ഷാഫി പറമ്പിലിനോട് മെട്രോമാന്‍ വഴങ്ങിയത് 3840 വോട്ടിന്‍റെ പരാജയം.
ലീഡില്‍ ഇ ശ്രീധരന്‍ ഏറെ നേരം മുന്നിട്ടുനിന്നത് ബിജെപി ക്യാംപുകള്‍ക്ക് പ്രതീക്ഷയോകിയിരുന്നു.തൊട്ടുപിന്നില്‍ ഷാഫിയുണ്ടായിരുന്നെങ്കിലും ഇ ശ്രീധരനെ മറികടക്കാന്‍ വോട്ടെണ്ണലിന്‍റെ അവസാനഘട്ടം വരെ കാത്തിരിക്കേണ്ടി വന്നു കോണ്‍ഗ്രസ് ക്യാംപിന്.
അത്രമേല്‍ ഉദ്വേഗം ജനിപ്പിച്ച ഇഞ്ചോടിഞ്ച് പോരാട്ടത്തിനൊടുവിലാണ് ഷാഫി ജയിച്ചുകയറിയത്. ഒരു ഘട്ടത്തില്‍ സംസ്ഥാനത്ത് ബിജെപിയുടെ ഏകസീറ്റാകുമോ പാലക്കാട് എന്ന് തോന്നിപ്പിക്കുക വരെ ചെയ്തു ഇ ശ്രീധരന്‍റെ മുന്നേറ്റം.
