പാലക്കാട്: വീട്ടമ്മയെ വെട്ടിപ്പരിക്കേല്‍പ്പിച്ച ബന്ധു വിഷം കഴിച്ച് ഗുരുതരാവസ്ഥയിൽ. അഞ്ചുമൂർത്തിമംഗലം കിഴക്കേത്തറയിൽ ശനിയാഴ്‌ച പുലർച്ചെ അഞ്ചരയോടെയാണ് സംഭവം. കിഴക്കേത്തറ സ്വദേശിനി സുശീലയ്‌ക്കാണ് (49) വെട്ടേറ്റത്. ഇവരെ വെട്ടിപ്പരിക്കേല്‍പ്പിച്ച ജയദേവന്‍ (57) വിഷം കഴിച്ചാണ് ആത്മഹത്യക്ക് ശ്രമിച്ചത്.
പുലർച്ചെ പശുവിനെ കറക്കാൻ ഇറങ്ങിയ സുശീലയെ ജയദേവൻ വെട്ടുകയായിരുന്നു. സംഭവത്തിന് ശേഷം ഇയാൾ കൈയിൽ കരുതിയിരുന്ന വിഷം കഴിച്ചു. തലയ്‌ക്കും കഴുത്തിനും പരിക്കേറ്റ സുശീല ആലത്തൂർ സ്വകാര്യ ആശുപത്രിയിലും ജയദേവൻ ജില്ല ആശുപത്രിയിൽ തീവ്രപരിചരണ വിഭാഗത്തിലും ചികിത്സയിലാണ്.
ALSO READ | അച്ഛനും അമ്മയും മക്കളും മരിച്ച നിലയിൽ; വീട്ടില്‍ വിഷവാതകത്തിന്‍റെ സാന്നിധ്യം
ബന്ധുക്കളായ ഇവര്‍ തമ്മില്‍ നേരത്തേയുണ്ടായ തര്‍ക്കമാണ് സംഭവത്തിന് പിന്നിലെന്നാണ് വിവരം. വടക്കഞ്ചേരി സി.ഐ എം മഹേന്ദ്ര സിംഹൻ്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി പരിശോധന നടത്തി. ഇരുവരുടെയും മൊഴി രേഖപ്പെടുത്തിയാൽ മാത്രമേ സംഭവത്തിന് പിന്നിലെ യഥാർഥ കാരണം വ്യക്തമാവുകയുള്ളുവെന്ന് പൊലീസ് പറഞ്ഞു.
