മലപ്പുറം : കുറ്റിപ്പുറം പേരശന്നൂർ കടവിൽ യുവാവിനെ ഒഴുക്കിൽപ്പെട്ട് കാണാതായി. ഒപ്പമുണ്ടായിരുന്ന രണ്ട് പേരെ രക്ഷപ്പെടുത്തി. കുറ്റിപ്പുറം പൊലീസും തിരൂർ ഫയർ ഫോഴ്‌സും സ്ഥലത്തെത്തി തെരച്ചിൽ ആരംഭിച്ചിട്ടുണ്ട്.
പേരശനൂർ പന്നിക്കാലയിൽ വീട്ടിൽ അബ്‌ദുള്‍ കരീമിൻ്റെ മകൻ ഫഹദിനെയാണ് (27) ഭാരതപ്പുഴയിൽ കാണാതായത്. ഫഹദിൻ്റെ സഹോദരനെയും അമ്മാവൻ്റെ മകനെയും രക്ഷപ്പെടുത്തി. കുളിക്കാനിറങ്ങിയപ്പോഴാണ് അപകടം.
Also Read: കാലവർഷം കനക്കുന്നു ; സംസ്ഥാനത്ത് അതിശക്ത മഴയ്‌ക്ക് സാധ്യത
ഒഴുക്കിൽപ്പെട്ട യുവാക്കളെ ഫഹദ് രക്ഷപ്പെടുത്തിയെങ്കിലും ഇയാൾക്ക് കരയ്‌ക്കെത്താനായില്ല. ഇതോടെ നാട്ടുകാർ വിവരമറിയിച്ചതിനെ തുടർന്ന് കുറ്റിപ്പുറം പൊലീസും തീരൂർ ഫയർ ഫോഴ്‌സും സ്ഥലത്തെത്തുകയായിരുന്നു.
