മലപ്പുറം: മഞ്ചേരിയിൽ ലോറി നന്നാക്കുന്നതിനിടെ ജാക്കി തെന്നി മാറി വർക്ക്‌ഷോപ്പ് ജീവനക്കാരനായ യുവാവിന് ദാരുണാന്ത്യം. തൃക്കലങ്ങോട് ആനക്കോട്ടുപുറം സ്വദേശി റിയാസുദീൻ ആണ് മരിച്ചത്. കുട്ടശ്ശേരിയിലേക്ക് കല്ലുമായി പോവുകയായിരുന്ന ലോറി യന്ത്ര തകരാർ മൂലം വർക്ക്‌ഷോപ്പിലെത്തിക്കുകയും തുടർന്ന് അപകടം സംഭവിക്കുകയുമായിരുന്നു.
ഇയാളെ മഞ്ചേരിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി. തുടർ നടപടികൾക്ക് ശേഷം നാളെ മൃതദേഹം ബന്ധുക്കൾക്ക് വിട്ടുകൊടുക്കും.
