മലപ്പുറം: വർധിച്ചുവരുന്ന ലഹരി ഉപയോഗത്തിനെതിരായി യുവാക്കളിൽ അവബോധം സൃഷ്‌ടിക്കുക എന്ന ലക്ഷ്യത്തോടെ ഇന്ത്യ മുഴുവൻ സൈക്കിളിൽ സവാരി നടത്താനൊരുങ്ങി മങ്കട സ്വദേശി ഷംസീദ്.
മങ്കടയിൽ നടന്ന ചടങ്ങിൽ വാർഡ് മെമ്പർ അലി അക്‌ബർ ഫ്ലാഗ് ഓഫ് നിർവഹിച്ചതോടെ ഷംസീദിന്‍റെ യാത്രക്ക് തുടക്കം കുറിച്ചു. മൂന്ന് മാസം കൊണ്ട് സൈക്കിളിൽ രാജ്യം ചുറ്റി തിരിച്ചെത്താനാകുമെന്നാണ് ഷംസീദിന്‍റെ കണക്കുകൂട്ടൽ. രാജ്യത്തിന്‍റെ ഉൾപ്രദേശങ്ങൾ കേന്ദ്രീകരിച്ചാണ് ഷംസീദിന്‍റെ യാത്ര. നേപ്പാൾ, ഭൂട്ടാൻ സന്ദർശനവും മനസിലുണ്ടെന്ന് ഷംസീദ് പറയുന്നു.
ലഹരി ഉപയോഗത്തിനെതിരെ സൈക്കിൾ സവാരി; ഇന്ത്യ ചുറ്റാൻ തയാറെടുത്ത് ഷംസീദ്
9 മാസം പ്രായമായ കുട്ടിയും ഭാര്യ ഫാത്തിമ ഷഫ്നയും അടങ്ങിയ കുടുംബത്തിന്‍റെയും നാട്ടുകാരുടേയും പിന്തുണയോടെയാണ് യാത്ര.
