മലപ്പുറം: വഴിക്കടവ് ഗ്രാമപഞ്ചായത്തിന് കീഴില്‍ മുണ്ടയില്‍ പ്രവര്‍ത്തിക്കുന്ന പ്രാഥമികാരോഗ്യ കേന്ദ്രം കുടുംബാരോഗ്യ കേന്ദ്രമായി പ്രഖ്യാപിച്ചു. ആരോഗ്യ മന്ത്രി കെ.കെ. ശൈലജയാണ് പ്രഖ്യാപനം നടത്തിയത്. രോഗശമനത്തിന് മാനസിക ഉല്ലാസവും എന്ന ലക്ഷ്യത്തോടെ സ്ഥാപിച്ച കുട്ടികളുടെ പാര്‍ക്കും ഉദ്ഘാടനം ചെയ്തു.
മുണ്ടയില്‍ പ്രാഥമികാരോഗ്യ കേന്ദ്രം ഇനി കുടുംബാരോഗ്യ കേന്ദ്രം
20 സെന്‍റ് സ്ഥലത്ത് 15 ലക്ഷം രൂപ ചെലവിലാണ് പാര്‍ക്ക് നിര്‍മിച്ചിരിക്കുന്നത്. ചടങ്ങില്‍ പി.വി. അന്‍വര്‍ എം.എല്‍.എ അധ്യക്ഷനായി. ജില്ലാ മെഡിക്കല്‍ ഓഫീസര്‍ ഡോ. കെ. സക്കീന വിഷയാവതരണം നടത്തി. വഴിക്കടവ് ഗ്രാമപഞ്ചായത്ത് പ്രസിഡന്‍റ് ഇ.എ. സുകു, ജില്ല ഡി.പി.എം ഡോ. എ. ഷിബുലാല്‍ എന്നിവര്‍ റിപ്പോര്‍ട്ട് അവതരിപ്പിച്ചു.
