മലപ്പുറം: റോഡ് അപകടങ്ങൾ വര്‍ധിക്കുന്ന സാഹചര്യത്തിൽ ട്രാഫിക്ക് നിയമലംഘനങ്ങള്‍ക്കെതിരെ വ്യത്യസ്ത ബോധവൽക്കരണവുമായി മലപ്പുറം പൊലീസ്. 4.51 ദൈർഘ്യമുള്ള ബോധവൽക്കരണ വീഡിയോയുമായാണ് മലപ്പുറം പൊലീസ് രംഗത്തെത്തിയത്. നർമത്തിൽ പൊതിഞ്ഞ ഭാഷയും പ്രയോഗങ്ങളുമായാണ് വീഡിയോയിലുള്ളത്.
ബോധവൽക്കരണത്തിന് വ്യത്യസ്ത വീഡിയോയുമായി മലപ്പുറം പൊലീസ്
ഹെൽമെറ്റ് ഉപയോഗം, സീറ്റ് ബെൽറ്റ് ഉപയോഗം, വാഹനങ്ങള്‍ മോടിപിടിപ്പിക്കുന്നതിന്‍റെ പ്രശ്‌നങ്ങള്‍ തുടങ്ങിയവയെല്ലാം ഈ വീഡിയോയിൽ കൃത്യമായി വിവരിക്കുന്നുണ്ട്. മലപ്പുറം എസ്.പി അബ്ദുൽ കരീമിന്‍റെ നേതൃത്വത്തിലാണ് വീഡിയോ ഒരുക്കിയിട്ടുള്ളത്. പൊലീസുകാരായ ഫിലിപ്പ് മമ്പാട്, ഹരിഹരൻ എന്നിവരാണ് രസകരമായ ഈ അനിമേറ്റഡ് വീഡിയോയുടെ ആശയത്തിന് പിന്നിൽ. സോഷ്യൽ മീഡിയയിൽ അടക്കം വീഡിയോക്ക് വൻജനസ്വീകാര്യതയാണ് ഇതിനോടകം ലഭിച്ചത്.
