കേരളപിറവിയുടെ 64-ാം വാർഷികത്തിൽ 64 പദ്ധതികളുമായി മലപ്പുറം ജില്ലാ പഞ്ചായത്ത്

1995 ൽ നിലവിൽ വന്ന ജില്ലാ പഞ്ചായത്ത് ഭരണ സമിതി 25 വർഷം പിന്നിട്ട് കാൽനൂറ്റാണ്ട് തികയുന്ന സാഹചര്യത്തിൽ 2020- 21 ലെ വികസനപദ്ധതികൾ "മലപ്പുറം ജില്ലാ പഞ്ചായത്ത് സിൽവർജൂബിലി ഉപഹാരം" എന്ന പേരിലാണ് നാടിനു സമർപ്പിക്കുന്നത്

മലപ്പുറം:നവംബർ ഒന്നിന് കേരളപ്പിറവി ദിനത്തിൽ മലപ്പുറം ജില്ലാ പഞ്ചായത്ത് 64 വികസന പദ്ധതികൾ നാടിനു സമർപ്പിക്കും. കേരളപിറവിയുടെ 64-ാം വാർഷികം പ്രമാണിച്ചാണ് പദ്ധതികളുടെ എണ്ണം 64 എന്ന് നിശ്ചയിച്ചത്. 1995 ൽ നിലവിൽ വന്ന ജില്ലാ പഞ്ചായത്ത് ഭരണ സമിതി 25 വർഷം പിന്നിട്ട് കാൽനൂറ്റാണ്ട് തികയുന്ന സാഹചര്യത്തിൽ 2020-21 ലെ വികസനപദ്ധതികൾ "മലപ്പുറം ജില്ലാ പഞ്ചായത്ത് സിൽവർജൂബിലി ഉപഹാരം" എന്ന നാമകരണത്തിലാണ് നാടിനു സമർപ്പിക്കുന്നത്. ജില്ലാ പഞ്ചായത്തിൻ്റെ 32 നിയോജകമണ്ഡലങ്ങളിലും പുതിയ ഒരോ വികസന പദ്ധതികളുടെ തുടക്കവും പൂർത്തിയായ മറ്റൊരു പദ്ധതിയുടെ സമർപ്പണവുമാണ് കേരളപ്പിറവി ദിനത്തിൽ നടക്കുക.