മലപ്പുറം: കരിപ്പൂർ രാജ്യാന്തര വിമാനത്താവളത്തിൽ വൻ സ്വർണവേട്ട. രണ്ട് കേസുകളിലായി മൂന്നര കിലോഗ്രാം സ്വർണം കോഴിക്കോട് എയർ കസ്റ്റംസ് ഉദ്യോഗസ്ഥർ പിടിച്ചെടുത്തു.
1.14 കോടി രൂപയുടെ 2.698 കിലോഗ്രാം ഭാരമുള്ള സ്വർണ കട്ടി ജിദ്ദയിൽ നിന്ന് എത്തിയ എസ്‌ജി 36 വിമാനത്തിന്‍റെ സീറ്റിനടിയിൽ ഒളിപ്പിച്ചിച്ച നിലയിലാണ് കണ്ടെത്തിയത്.
രണ്ട് ചോക്ലേറ്റ് ബോക്‌സുകളിൽ പശ രൂപത്തിൽ ഒളിപ്പിച്ച 35 ലക്ഷം വിലമതിക്കുന്ന 841 ഗ്രാം സ്വർണ ഫോയിൽ പിടിച്ചെടുത്തു. 35 ലക്ഷം രൂപയുടെ സ്വർണം കടത്താൻ ശ്രമിച്ച കേസിൽ സഹീർ എന്നയാളെ എയർ കസ്റ്റംസ് പിടികൂടി. ഈ അടുത്ത കാലത്തായി കോടികളുടെ സ്വർണമാണ് കരിപ്പൂരിൽ എയർ കസ്റ്റംസ് പിടിക്കൂടുന്നത്
