കോഴിക്കോട്‌: തദ്ദേശ തെരഞ്ഞെടുപ്പില്‍ ബിജെപി പഞ്ചായത്തുകളില്‍ ഭരണപിടിക്കാതിരിക്കാന്‍ എല്‍ഡിഎഫും യുഡിഎഫും എസ്‌ഡിപിഐയും തമ്മില്‍ സഖ്യമുണ്ടായിരുന്നതായി ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. തെരഞ്ഞെടുപ്പില്‍ കോണ്‍ഗ്രസ് നടത്തിയത് രാഷ്ട്രീയ വ്യഭിചാരമെന്നും സുരേന്ദ്രന്‍ ആരോപിച്ചു.
എല്ഡിഎഫ് - യുഡിഎഫ്‌ - എസ്‌ഡിപിഐ സഖ്യമെന്ന് ബിജെപി
തിരുവനന്തപുരത്ത് തെരഞ്ഞെടുപ്പ് നടക്കുന്നതിന് മുമ്പ് എല്ഡിഎഫ്-യുഡിഎഫ്‌ നേതാക്കള്‍ തമ്മില്‍ വോട്ട് മറിക്കാന്‍ ചര്‍ച്ച നടത്തിയിരുന്നു. ചെന്നിത്തലയാണ് ക്രോസ്‌ വോട്ടിന് നേതൃത്വം നല്‍കിയതെന്നും സുരേന്ദ്രന്‍ പറഞ്ഞു. അതേസമയം തദ്ദേശ തെരഞ്ഞെടുപ്പില്‍ നേട്ടമുണ്ടാക്കിയ ഏക പാര്‍ട്ടി ബിജെപിയാണെന്നും സുരേന്ദ്രന്‍ പറഞ്ഞു.
