കോഴിക്കോട്: താമരശ്ശേരി അമ്പായത്തോട് ഭാഗത്ത് നക്‌സൽ ബാരിയുടെ പേരിൽ പോസ്റ്ററുകൾ. അമ്പായത്തോടിന് സമീപം പ്രവർത്തിക്കുന്ന ഫ്രഷ് കട്ട് എന്ന അറവു മാലിന്യ സംസ്കരണ ഫാക്‌ടറിക്കെതിരെയാണ് നക്‌സൽ ബാരിയുടെ പേരിൽ പോസ്റ്ററുകൾ പ്രത്യക്ഷപ്പെട്ടത്.
പ്രദേശത്ത് ദുര്‍ഗന്ധം വമിക്കുന്ന, നാടിനെയാകെ ദുരിതത്തിലാക്കുന്ന കോഴിമാലിന്യ സംസ്കരണ പ്ലാന്‍റ് അടച്ചുപൂട്ടണമെന്നാണ് പോസ്‌റ്ററിലൂടെ ഉന്നയിച്ചിരിക്കുന്ന ആവശ്യം. സംഭവത്തില്‍ പൊലീസ് അന്വേഷണം ആരംഭിച്ചു. താമരശ്ശേരി ഡിവൈഎസ്‌പി അഷറഫ് തെങ്ങിലക്കണ്ടി, സിഐ അഗസ്റ്റിൻ എന്നിവരുടെ നേതൃത്വത്തിലാണ് അന്വേഷണം.
