കോഴിക്കോട്: മുസ്‌ലിം ലീഗ് നേതൃത്വത്തെ വെല്ലുവിളിച്ച് മുസ്‌ലിം യൂത്ത് ലീഗ് ദേശീയ വൈസ് പ്രസിഡന്റും ഹൈദരലി ശിഹാബ് തങ്ങളുടെ മൂത്ത മകനുമായ മുഈനലി ശിഹാബ് തങ്ങള്‍ മുസ്‌ലിം ലീഗ് വിമത യോഗത്തില്‍. അച്ചടക്ക നടപടി നേരിട്ട മുസ്‌ലിം ലീഗ് സംസ്ഥാന സെക്രട്ടറി കെ എസ് ഹംസയുടെ നേതൃത്വത്തില്‍ കോഴിക്കോട് കെ പി കേശവമേനോന്‍ ഹാളില്‍ ഇന്ന് വൈകിട്ട് നടന്ന ഹൈദരലി ശിഹാബ് തങ്ങള്‍ ഫൗണ്ടേഷന്‍ പ്രഖ്യാപനത്തിലും അനുസ്മരണ സമ്മേളനത്തിലുമാണ് ഉദ്ഘാടകനായി മുഈനലി ശിഹാബ് തങ്ങള്‍ സംബന്ധിച്ചത്.
ലീഗ് നേതൃത്വത്തെ വെല്ലുവിളിച്ച് മുഈനലി തങ്ങള്‍ വിമത യോഗത്തില്‍
ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടിയെ വിമര്‍ശിച്ചതിനാണ് ഹംസയെ സസ്പെൻഡ് ചെയ്തത്. കോഴിക്കോട് ജില്ലയിലെ ലീഗ് ജില്ല നേതാക്കളും നേരത്തെ സംഘടന തലത്തില്‍ നടപടിക്കിരയായ മുസ്‌ലിം ലീഗ്, യൂത്ത് ലീഗ്, എംഎസ്എഫ് നേതാക്കളുമാണ് യോഗത്തില്‍ സംബന്ധിച്ചത്.
